Batingaw ng Bayan: Lumuha ka aking Bayan MV

Tuesday, August 7, 2007

Lumuha ka aking Bayan MV

No comments:

Batingaw ng Bayan- 16 Marso 2003

Ang blog na ito ay naglalayong tumalakay ng mga paksang magpapayabong sa kasaysayan, kultura at kamalayang Pilipino. Kagaya ng isang Batingaw, ito ay maghuhudyat ng babala sa panahon ng panganib, magbibigay ng hudyat sa walang humpay na pagsalakay at pagsasamantala ng mga dayuhan sa ating pambansang interes. Sa panahon ng pagyurak ng mga banyaga at ng mga katutubong tuta nila sa
ating pambansang dignidad at kabuhayan, ang batingaw ay nananangis at tumataghoy. Sa oras ng pakikitalad sa lakas ng panunupil at pagmamalabis, ang batingaw ay maghuhudyat ng pakikidigma at kagitingan. Pupukaw ito sa damdamin at kaisipan ng mga tunay na anak ng bayan upang kumilos at mag-alay ng kanilang sarili upang makalaya na ang mga Pilipino sa kuko ng karukhaan, pagkaalipin at
kawalan ng katarungan.

Sa ilalim ng pananakop ng mga Kastila, ang mga
Pilipino ay pinagsamantalahan at binusabos. Ang Krus at Espada ay hayagang ginamit upang pigilan ang pag-usbong ng kamalayang Pilipino at diwang makabansa. Ang mga di-napaluhod ng Katolisismo ay ginamitan ng espada upang malupig.

Bagama’t naging epektibo ang italyanong taktika na “divide and rule” upang mapagharian ng mga Kastila ang arkipelago, si Lapu-lapu pa rin ang tunay na
kumakatawan sa tutuong karakter noon ng mga Pilipino. Ang mga kapatid nating Muslim sa katimugan ay nagpamalas ng agresibong pagsalungat ng mga Pilipino laban sa banyagang lakas ng mga Kastila.

Sa pananakop ng mga Amerikano, ang aklat at riple ang ginamit nilang instrumento upang masakop ang ating bansa. Sa paggamit ng pinong paraan ng pagkontrol sa kaisipan at sikolohiya, matagumpay
nilang nahugot ang diwang Pilipino sa kaisipan at damdamin ng mga sinaunang pinoy. Itinurong primitibo at di angkop ang ating kultura, nilihis at binaluktot ang ating kasaysayan upang lumutang ang isang Pambansang Inferiority Complex at dakilain ang kulturang Amerikano. Ang mga Pilipinong di nagpailalim sa ganitong pinong ulos sa sikolohiya ay naging biktima ng masaker, water cure, hamletting
at ibayong pagpapahirap. Sino ang makakalimot sa pacification campaign ng mga Amerikano? Ang massacre sa Samar at Batangas? Sa Luzon pa lamang ay umabot na sa daang libong Pilipino ang pinaslang ng mga Kano, mga hayok na mananakop na
gumahasa’t nagsamantala sa ating mga kababaihan.

Ang ilang daang taon ng pagkasakop sa atin ng mga Kastila at ilang dekada ng pagkontrol sa ating kaisipan ng mga Amerikano sa pamamagitan ng “edukasyon” ang naging dahilan nang kawalan natin ng pambansang kamalayan. Dahil tayo ay biktima ng isang pambansang "“inferiority”, nanatili tayong nag-iisip at kumikilos bilang mga alipin sa sarili nating bayan. Nanatili tayong mga busabos ng kolonyal na edukasyon at patuloy tayong nag-iilusyon na ang mga dayuhan ay ating mga kaibigan. Hindi
natin naiisip na ang ating interes bilang mga Pilipino ay kasalungat ng interes ng mga banyaga.

Panahon na upang saliksikin natin ang tunay na
kasaysayang Pilipino at isulat ito batay sa pananaw (viewpoint) at paninindigan (standpoint) natin bilang isang bansang may mayamang kultura at maringal na
sibilisasyon sa nakaraang panahon. Ito ang magiging susi upang tayo, bilang isang lahi ay muling mapanghawakan ang ating tadhana at hindi na lamang manatiling biktima ng pagbabago sa kalipunan ng mga bansa…

Batingaw ng Bayan

Tuesday, August 7, 2007

Lumuha ka aking Bayan MV

No comments:

Watawat ng PILIPINAS

Total Pageviews

Edinburgh, Scotland

@ LONDON

ShareThis

Batang PILIPINA

BATINGAW LINKS

Gerilya ng WW2

BATINGAW- 1

Watawat ng KATIPUNAN

Unang Bayani natin...

Mga Mananakop na Kano

Mga Pilipinong Rebolusyonaryo na nakipaglaban para sa kalayaan

Ang aming munting mga Tinig, nawa'y pumukaw sa inyong kamalayan...

Ang manunulat ng Bulacan

Ang ating watawat...

Mga mananakop na kano

Ang ating mga ninuno ...

Bangkay ng mga Pilipinong Muslim sa Bud Dahu

Batingaw ng Bayan- 16 Marso 2003

Tulay sa kinabukasan

Blog Archive

About Me